15/07/2024

Kronika: Udako 3. jardunaldia (uztailaren 14ean)

Sari nagusiak prestatzeko lasterketak Donostiako hipodromoan hasi ziren Donostia Turismo Sariarekin. Honetaz gain, uztailaren 14ko jardunaldian honako proba hauek ospatu ziren: Sheikh Zayed Bin Sultan Al Nahyan Listed Cup; Gipuzkoako Kirol Prentsaren Elkartea; Autocares David; Onda Vasca; eta Garda Seguridad.

Lehenengo lasterketa Sheikh Zayed Bin Sultan Al Nahyan Listed Cup izan zen, Arabiar Arraza Garbiko Zaldien Listed bat, 1.600 metrotan. Proba horretan, Fateenah (Ecuries Royales d 'Oman – Frederic Sanchez) eta Asslan Al Shahania-ren (SAS HE Cheika Yas Al Thani – François Rohaut) arteko borroka handia bizi izan zen amaierara arte. Bi behorrak buruz buru ibili ziren, Mickaël Forestek muntatutako behor beteranoa garaile atera zen arte.

Ondoren, Gipuzkoako Kirol Prentsaren Elkartearen Saria iritsi zen, 2.000 metrokoa, nazionalentzako proba 2.000 metrotan. Bere punta-puntako estiloari leial, Baby Groom (Breeding Horse – Joao Pereira) garaile atera zen Orion (Mediterraneo – Graciela Rodríguez) faboritoaren aurretik, ezin izan baitzituen zaharrak gainditu nahiz eta pisu diferentzia handia izan. Hirugarren Piaka (Celso Méndez – Manuel Álvarez) izan zen.

Hirugarrenik, 1.600 metroko Autocares David saria ospatu zen, 3 urtekoentzako maiden bat. Hiru zaldira arte borrokatu zuten garaipena helmugako zutoin berera arte, eta Eurialo-k (Duque de Alburquerque– Ioannes Osorio) lortu zuen saririk handiena. Jaime Gelabert jockeyak ondo neurtutako ibilbide batek balio izan zion garaipena lortzeko, El Cantizal (Yeguada Escalona – Miguel Alonso Roldán) eta Rayc (AFF SL – Francisco Rodríguez) moxalen aurretik, hurrenez hurren.

Handikaparen bigarren zatian, Onda Vasca Saria, 2.200 metrotan ospatu zen, Walkczak-ek (Julian Stables – David Farlete) irabazi zuen Viking City (Esgueva – Teodoro Callejo) puntakoaren eta Marchelo (Bernardo – Ramon Avial) errematatzailearen aurretik.

Programaren bosgarren tokian, 2.000 metroko Donostia Turismo Saria iritsi zen. Salmarak-ek (Royal Gait – Miguel Alonso Roldán) irabazi zuen Maria Cristina Hotela Sari Nagusia, urte bete geroago Donostian berriro irabaziz. Alejandro Gutierrez Valek muntatu zuen eta behorraren erritmo aldaketa erabakigarria izan zen bere aurkariak plantatzeko. Bigarren Clori (Mediterraneo – Guillermo Arizkorreta) izan zen eta hirugarren Hetera (Duque de Alburquerque– Ioannes Osorio).

Jardunaldiari amaiera emateko, handikaparen lehen zatia ospatu zen, Garda Seguridad saria, 2.200 metrokoa. Balio berdintsuetako bost parte-hartzaileren artean, Hebe (Alegre – David Farlete) izan zen onena Nicolás de Julianekin, Grazalema-ren (Mediterraneoa – Guillermo Arizkorreta) eta Veremos-en (Afrika – Ioannes Osorio) aurretik, behorren arteko lasterketa amaiera polit batean.

Hurrengo jardunaldia uztailaren 21ean izango da 18:45etatik aurrera, Donostiako Urrezko Kopa prestatzeko bi lasterketekin ospatuko diren 5 lasterketen artean.

Udako 3. jardunaldiko akta eta emaitzak (2024ko uztailaren 14a)

15/07/2024